Noss commember da partida dapi blers onns e cusseglier dals chantuns actual Stefan Engler candidescha quest onn per ina quarta perioda d’uffizi sco cusseglier dals chantuns.
Stefan Engler è dapi il 2011 commember dal Cussegl dals chantuns. Avant è el stà cusseglier guvernativ dal chantun Grischun. El è commember da la Cumissiun per traffic e telecommunicaziun (CTT), da la Cumissiun per economia e taxas (CET), da la Cumissiun da las instituziuns politicas (CIP) e da la Cumissiun per dumondas giuridicas (CDG).
Surava
1960
Cusseglier dals chantuns
maridà, 2 uffants
chatscha da patenta grischuna, chant, sport, litteratura da la politica da stadi e biografias
Economia e taxas: Politica regiunala, turissem ed agricultura
Traffic e telecommunicaziun: Mobilitad, medias, posta, infrastructura digitala, service public
Politica da stadi: Federalissem, dretg dals esters, dretgs politics
Dretg: Dretg da famiglia, dretg da la societad anonima, dretg penal
Politica è per mai servetsch per il model da success Svizra. Suenter esser stà activ en la vischnanca ed avair pudì sviluppar l’avegnir dal chantun Grischun sco cusseglier guvernativ, vegn jau respectà en il Cussegl dals chantuns per mia contribuziun da mantegnair la forza politica ed economica da la Svizra. Il preambel da nossa Constituziun federala cuntegna las valurs centralas da la Svizra actuala: democrazia, unitad, varietad, libertad, pasch, solidaritad, independenza e quità per noss ambient, per umans socialmain flaivels e per las generaziuns futuras. Sin questa persvasiun sa basa mes maletg cristian dal mund che surpassa quai che leschas, administraziuns e tribunals san garantir.
Tar las elecziuns dal Cussegl dals chantuns vala la procedura da maiorz.
Tar l’elecziun da maiorz è elegì tgi che ha survegnì las pli bleras vuschs. Nus proponin per l’elecziun noss commember da partida da blers onns e commember actual dal Cussegl dals chantuns Stefan Engler. Vulais Vus sustegnair Stefan Engler tar las elecziuns dal Cussegl dals chantuns? Alura scrivai cun agen maun ses num sin il cedel electoral per l’elecziun dal Cussegl dals chantuns.
Social Media
Impressum
Protecziun da datas