Luca Fanconi

Mia motivaziun

Cun quai che jau sun sez anc entamez il process da furmaziun, èsi impurtant per mai ch’il sistem da furmaziun restia actual e che sia qualitad na diminueschia betg.

Mias pretensiuns

La mancanza da scolastas e scolasts sto vegnir cumbattida, perquai che l’emprima scolaziun è il fundament principal per l’avegnir. Ultra da quai na dastgan la mobilitad da studentas e students e la collavuraziun en il sectur da la perscrutaziun betg vegnir impedidas da tenutas da bloccada politicas. Ed ins sto procurar per ina buna furmaziun era en regiuns periferas.

Concretisaziun da l’engaschament 

• Meglras cundiziuns da lavur per persunas d’instrucziun 
• Promoziun da persunas che vegnan d’autras professiuns
• Sustegn dals centers regiunals da furmaziun professiunala   
• Projects da collavuraziun surregiunala tar universitads  
• Puspè pussibilitar (resp. sustegnair) la collavuraziun da perscrutaziun cun l’Europa  
• Sustegn da las scolas obligatoricas en regiuns periferas (cun projects communabels e collavuraziun)

Mia motivaziun

Sco musicant amatur èsi impurtant per mai che tant la cultura en uniuns sco la purschida culturala en general vegnian sustegnidas.  

Mias pretensiuns

La purschida da cultura en las regiuns periferas sco era las uniuns da cultura (art, musica, teater euv.) duain vegnir sustegnidas per projects innovativs. Ultra da quai duess ins promover la furmaziun culturala en las scolas.

Concretisaziun da l’engaschament

• Sustegn da las uniuns tar las consequenzas da la pandemia. Quellas tutgan anc adina las uniuns, la mancanza da persunas giuvnas che suondan è actualmain in problem. Finanzialmain han bain bleras uniuns survivì, l’avegnir resta dentant malsegir.

• Projects che collian las regiuns linguisticas, nizzegian las regiuns periferas u rendan pli accessibel la purschida culturala duain vegnir promovids.

• L’art pitschen duai vegnir promovì, spezialmain cun il barat e cun metter a disposiziun infrastructura e meds finanzials.
• La furmaziun culturala sco part da la scola obligatorica na dastga betg vegnir negligida.

Mia motivaziun 

In sistem da sanadad stabil e modern è central per ina vita accumplida e duai esser accessibel a tuttas e tuts. 

Mias pretensiuns

I dovra relaziuns da lavur modernas per il persunal da tgira. In bun provediment da sanadad duai plinavant esser avant maun ed el duai esser pajabel per tuttas e tuts. Il provediment medicinal na dastga betg daventar in luxus.

Concretisaziun da l’engaschament

• Frain dals custs en il sectur da sanadad

• Realisaziun da l’iniziativa da tgira ed ulteriurs meds per evitar la perdita da spezialist(a)s da tgira e per render attractiva la professiun era per l’avegnir 

• Sustegn da las regiuns periferas tar il mantegniment dad instituziuns da sanadad sco spitals, dentant era la promoziun da projects innovativs

• Collavuraziun tranter center e periferia
• Promoziun dal turissem da sanadad