Corina Feuerstein

Mia motivaziun

IL turissem è il motor da l’economia grischuna, perquai m’engasch jau per las infrastructuras necessarias correspundentas ed era per ina purschida d’events e d’activitads.   

Mias pretensiuns

Senza turissem na dessi naginas regiuns da muntogna. Las premissas per in lieu da turissem ston esser bunas per ch’ellas possian funcziunar a lunga vista e da maniera persistenta. Occurrenzas ed activitads èn pitgas impurtantas d’ina destinaziun turistica. 

Concretisaziun da l’engaschament

Tras mia activitad professiunala en il sectur d’events sai jau contribuir mes know-how sin nivel politic en il cussegl communal ed era sco deputada substituta en il Cussegl grond. Sco scolasta da skis sun jau era activa en il sectur turistic durant l’enviern ed uschia al puls da la tematica. 

Mia motivaziun

Jau vuless m’engaschar da furmar il Grischun sco lieu d’abitar e lieu da vacanzas attractiv per tut las generaziuns. Il turissem viva numnadamain da la populaziun indigena e da sia cultura, quai è in element impurtant ed il fundament per il success dal turissem.

Mias pretensiuns

Famiglias giuvnas ed indigens ston savens tschertgar abitaziuns ordaifer las destinaziuns da vacanzas. I dovra spazi d’abitar pajabel, per che las destinaziuns da vacanzas restian era en avegnir attractivas e vivas. 

Concretisaziun da l’engaschament 

Cun mia activitad sco cussegliera communala da Claustra sun jau damanaivel a questa problematica e vegn a m’engaschar per quella sin nivel communal sco era en il chantun Grischun sco deputada substituta dal Cussegl grond.

Mia motivaziun

Ils elements ils pli impurtants da nossa vita èn l’ambient e la natira e nus stain davant l’enorma sfida da mantegnair quels. 

Mias pretensiuns

Ins sto agir ussa, sche nus na vulain betg chaschunar sfidas anc pli difficilas a las proximas generaziuns e sche nus vulain mantegnair noss bain il pli impurtant.  I dovra plans concrets, realisaziuns e finamiras.

 Concretisaziun da l’engaschament

La politica sto stgaffir per forza cundiziuns da basa e tuttas e tuts ston prestar lur atgna contribuziun.