Eleonora Righetti

Mia motivaziun

Dus temas che han ina stretga colliaziun e che influenzeschan il preschent e l’avegnir da noss pajais e dals umans che vivan qua. 

Mias pretensiuns

La furmaziun è il fundament per il progress e per ina societad accumplida. Perquai èsi impurtant per mai che la furmaziun saja accessibla a tuttas e tuts e ch’ella saja en il stadi il pli actual. Ina societad scolada ha dapli schanzas da lavur e da carriera, quai che ha in effect positiv per l’economia, per la pasch, per il bainstar social e per umans giuvens. Jau vuless promover in ferma economia locala e rentabla cun interpresas e lavurantas e lavurants che han dapli pussaivladads e damain impediments e difficultads.

Concretisaziun da l’engaschament 

• contact cun scolas
• contact cun interpresas localas 
• intervenziuns davart quests temas en il Cussegl grond 
• infurmaziun cun conferenzas cun persunas da la branscha, artitgels en la pressa ed en las medias socialas 

Mia motivaziun

Jau vuless  che nossa populaziun sa senta segira en il pajais nua ch’ella viva, malgrà las differentas instabilitads (economicas, climaticas, professiunalas euv.) Cun quai che jau hai sezza vivì a l’exteriur, sai jau quant impurtanta che la segirezza è. Perquai ma stat quest tema spezialmain a cor. 

Mias pretensiuns

La vita en in lieu segir procura per meglras cundiziuns da basa per la populaziun, famiglias, interpresas euv. Segirezza promova plinavant il svilup economic d’in pajais ed in ambient segir e stabil è attractiv (occupaziun, turissem, scolaziun, novas interpresas euv.). Jau ma giavisch ina reducziun da las incunvegnientschas en tut ils secturs en noss pajais (incunvegnientschas tar las assicuranzas socialas, criminalitad organisada, occupaziun euv.)

Concretisaziun da l’engaschament

• intervenziuns davart quest tema en il Cussegl grond 
• infurmaziun cun conferenzas cun persunas da la pratica, artitgels en la pressa ed en las medias socialas   

Mia motivaziun

I sa tracta qua d’in context nua ch’i dat actualmain differents puncts flaivels che han cun raschun ina muntada speziala. 

Mias pretensiuns

Jau vuless che las generaziuns futuras naschian e creschian si en in ambient saun che las porscha pussaivladads. La schientscha per dumondas da l’ambient n’è dentant betg anc fitg marcanta en insaquants secturs. I dovra la promoziun d’ina utilisaziun persistenta da las resursas.

Concretisaziun da l’engaschament

• intensivar la schientscha da las generaziuns futuras sco scolasta  
• render attent ad ina politica che protegia l’ambient 
• intervenziuns davart quest tema en il Cussegl grond
• infurmaziun cun artitgels en la pressa ed en las medias socialas