Sumvitg
1999
Mia motivaziun
Per mai è noss avegnir impurtant e per quest motiv vuless jau contribuir mia part a quel avegnir. In punct che daventa adina pli impurtant en nossa societad è il provediment da vegliadetgn. Sco cussegliadra da finanzas ma perfecziunesch jau tranter auter en quest tema e vuless dar vinavant mia savida. In bun provediment durant ils onns giuvens è numnadamain il fundament per in avegnir senza quitads. El pussibilitescha ina independenza finanziala e porscha schanzas per vegnir in pau pli damanaivel als siemis. Il provediment per sasez dat la controlla da l’agen avegnir e procura per in sentiment da segirezza. Jau m’engasch politicamain per contribuir da maniera activa a l’avegnir da damaun.
Mias pretensiuns
Mias pretensiuns en il sectur dal provediment sa basan sin in agir cumplessiv orientà al futur:
Concretisaziun da l’engaschament
Il rinforzament e l’adattaziun da noss sistems da rentas èn impurtants per garantir ch’els correspundian als basegns che sa midan en nossa societad. Quai includa la promoziun da plans da provediment per la vegliadetgna privats e dals manaschis per serrar las largias individualas tar las rentas.
La furmaziun è la clav per il provediment. Quai cumenza en las scolas ed instituziuns da furmaziun.
Là duess vegnir infurmà gia baud davart la muntada dal provediment finanzial, per cuntanscher ina sensibilisaziun vasta per quest tema.
Ils products da provediment duain esser transparents e chapibels. Consumentas e consuments ston avair las infurmaziuns ch’els dovran per pudair trair decisiuns fundadas davart lur provediment.
Mia motivaziun
I duai esser pussaivel che era persunas tschorvas san votar da maniera autonoma.
Mias pretensiuns
La procedura da votaziun dua vegnir digitalisada per motivs da discreziun da confidenza.
Concretisaziun da l’engaschament
Cun ina applicaziun fissi pussaivel che umans tschorvs o cun in impediment da vesida pon era votar da maniera autonoma. Uschia na fissan els betg pli dependents da l’agid e da la confidenza dad auters.
Mia motivaziun
Per umans giuvens èsi fitg difficil da chattar ina abitaziun.
Mias pretensiuns
Senza vitamin B èsi bunamain nunpussaivel da chattar abitaziuns pajablas. Las abitaziuns na vegnan savens betg publitgadas ed uschia n’han umans senza contacts strusch la pussaivladad da s’annunziar per abitaziuns.
Concretisaziun da l’engaschament
In’idea fissi da construir en tscherts quartiers abitaziuns pajablas mo per giuvens creschids. Ina sort societad cooperativa per umans giuvens.
Social Media
Impressum
Protecziun da datas