Martin Binkert

Mia motivaziun

Per che la Svizra restia multifara ed agila.

Mias pretensiuns

Differenzas regiunalas ston vegnir resguardadas da maniera pragmatica. Mo ferms chantuns san furmar in stadi ferm. Innovaziun succeda dal reminent tras concurrenza. 

Concretisaziun da l’engaschament

Il Cussegl grond na dastga betg delegar tut a Berna; ed a Berna na duain betg tut ils temas vegnir reglads da maniera definitiva. Il turissem è in grond sectur economic che è lià al territori  e na po betg simplamain vegnir transferì a l’exteriur. I dovra perquai era in tscherta flexibilitad che na sa betg vegnir cuntanschida cun texts da leschas.

Mia motivaziun

La furmaziun professiunala è in model da success.

Mias pretensiuns

En nossa societad duain tuttas e tuts avair lur plazza. Ina furmaziun professiunala è ina scola da la vita. Il know-how duai dal reminent restar en Svizra ed era vegnir exportà.

 Concretisaziun da l’engaschament  

• Mantegnair instituziuns da scolaziun professiunala e da furmaziun decentralas 
• Prevesair e realisar impuls e sustegn per manaschis d’emprendissadi  (cusseglier communal, depurtà dal Cussegl grond)

Mia motivaziun

Mo ensemen savain nus viver en libertad e segirezza.

Mias pretensiuns

Da la promoziun da la chapientscha vicendaivla pon profitar tuttas e tuts. Respect vicendaivel sustegna plinavant ina buna convivenza. Impurtant èsi era dad evitar sbagls che custan bler che autras generaziuns han gia fatg. 

Concretisaziun da l’engaschament 

• Mantegnair attractiv la vita da las uniuns (mes engaschament en uniuns) 
• Instituziuns da la baselgia organiseschan occurrenzas per pliras generaziuns (engaschament en  la plaiv ed en il Corpus Catholicum)