Cuira
1980
President dal Cussegl naziunal 2022/2023
maridà, 3 uffants
Famiglia, natira e sport
Mia motivaziun
La mobilitad da la populaziun crescha ad in crescher. En noss chantun da muntogna èn plinavant blers lieus situads lunsch davent da Cuira. Perquai èsi impurtant ch’il Grischun mantegnia e sviluppia vinavant sia gronda rait da vias e da viafier. In spustament da la via sin ils binaris porta in plivalur supplementara a noss chantun ed a noss ambient.
Mias pretensiuns
Il Grischun dovra in’infrastructura moderna, actuala da vias e da viafier che sa cumpletteschan vicendaivlamain. Quella è decisiva spezialmain per la populaziun e l’economia da las regiuns muntagnardas.
Concretisaziun da l’engaschament
Creschì si a Rabius chapesch jau la muntada d’in sistem da traffic public cun ina structura decentrala che funcziunescha. Jau viagesch savens tras il chantun e sur ils cunfins dal chantun ora. Perquai enconusch jau fitg bain il basegn e la necessitad d’ina purschida cumplessiva, fidada per l’entir territori.
Mia motivaziun
Differentas furmas da famiglias èn ina realitad e duain era pudair vegnir vividas. La cumpatibilitad da professiun e famiglia è oz dad impurtanza centrala per blers geniturs giuvens.
Mias pretensiuns
Per ina convivenza che funcziunescha en nossa societad duvrain nus famiglias fermas. Bunas cundiziuns da basa èn in factur da success per la Svizra. A quellas fan part mesiras en il sectur da finanzas, cumpatibilitad ed infrastructura. La discriminaziun fiscala da la lètg visavi autras furmas da viver sto finalmain vegnir dismessa. Plinavant ston famiglias vegnir protegidas da la paupradad.
Concretisaziun da l’engaschament
Sco bab da trais uffants maridà enconusch jau las sfidas ch’ina famiglia giuvna ha sin sia via. Purschidas da la tgira d’uffants externa che mancan ed ils dischavantatgs da furmas da famiglias tradiziunalas èn omnipreschentas.
Mia motivaziun
Il Grischun viva da sias fermas IPM (interpresas pitschnas e mesaunas). Ellas èn da muntada decisiva era per noss sectur economic il pli impurtant, il turissem. Quellas stuain nus mantegnair e promover per tut pretsch. Perquai che da quellas profitain oravant tut nus, las abitantas ed ils abitants. Cun cundiziuns da basa attractivas avain nus ina rolla dominanta en la concurrenza.
Mias pretensiuns
Noss turissem ha per il mument temps fitg difficils sin basa da las malsegirtads che regnan en noss mund. Perquai stuain nus garantir che nossas infrastructuras turisticas vegnian sviluppadas vinavant constantamain ed adattadas als basegns da noss temp. A quai fa part adina dapli era ina infrastructura digitala fidada per tut il territori.
Concretisaziun da l’engaschament
La politica, ma era l’economia n’existan per mai betg per sasez, ellas duain servir a la populaziun. Nus stuain construir punts e betg divider la societad. Gist pervi da quai èsi da muntada centrala per mai da cuntanscher tant sco pussaivel soluziuns communablas ed equilibradas en il sectur dal turissem e da l’economia.
Carriera politica
Social Media
Impressum
Protecziun da datas