Cuira
1975
Mainagestiun interpresa da cussegliaziun (succurs.ch), cussegliadra d’organisaziun independenta, supervisura e coach
jogging, ir cun skis, ir cun velo da muntogna, leger, viagiar
Mia motivaziun
La populaziun che lavura è sut squitsch (pressiun da prestaziun che crescha constantamain, tempo da lavur augmentà, cumpatibilitad pli difficila da famiglia e professiun).
Quai chaschuna adina dapli malsognas psichicas. Plinavant ans mancan dunnas cun ina buna furmaziun en il martgà da lavur.
Mias pretensiuns
La sanadad psichica da la populaziun ed en spezial era quella dad umans giuvens è daventada fragila. I n’ha mai dà tants umans cun malsognas psichicas sco ozendi. Perquai èsi impurtant ch’il martgà da lavur porscha cundiziuns da basa che rinforzan la populaziun che lavura. Plinavant duvrain nus dunnas che sa mettan a disposiziun en il martgà da lavur cun pensums pli auts.
La renconuschientscha e la promoziun da models da lavur adattads per l’avegnir, scolas dal di ed avunda plazzas pajablas per la tgir d’uffants. Sco era in congedi per geniturs adequat cun ina distribuziun flexibla tranter mamma bab. Promoziun sistematica da la sanadad a la plazza da lavur.
Concretisaziun da l’engaschament
Jau viv quai che jau pretend. Jau sun interprendidra independenta, politicra ed jau hai ina famiglia. Jau sun professiunalmain activa en bleras organisaziuns ed aud da surchargia e mancanzas pervi da malsogna. Jau main workshops en organisaziuns davart il tema organisaziuns saunas, sco era en il sectur dal svilup da teams e sai perquai quant impurtant che cundiziuns da basa èn per che organisaziuns e lur persunas che lavuran ed uschia era la Svizra restian saunas.
Mia motivaziun
L’avegnir da noss uffants e da nossa societad sco era da nossa creschientscha economica dependan da la furmaziun. Las persunas d’instrucziun èn fitg dumandadas perquai ch’ellas han adina dapli incumbensas. Plinavant è la scola pertutgada da novs temas politics (gronda diversitad dals uffants, tematica da gender euv.) che muntan sfidas per geniturs e persunas d’instrucziun e che dividan per part tematicamain.
Mias pretensiuns
Noss sistem da furmaziun dual è unic e contribuescha bler al success da noss pajais. Da quel stuain nus avair quità. La scola duai esser in patrun da lavur attractiv ed avair quità da la sanadad da collavuraturas e collavuraturs.
Concretisaziun da l’engaschament
Mia motivaziun
Jau ma vuless engaschar per in sectur da sanadad che funcziunescha. La sanadad ed uschia era il sectur da sanadad è il pli aut bain da nossa societad. Da quella stuain nus avair quità.
Mias pretensiuns
Per il persunal da spital dovri pajas pli autas e gistas sco era bunas cundiziuns da basa. In provediment da la sanadad damanaivel e decentral è impurtant. La digitalisaziun en il sectur da sanadad gida a spargnar custs. La situaziun da parents che tgiran duai vegnir meglierada.
Concretisaziun da l’engaschament
Jau sun spezialista da tgira diplomada ed enconusch bain il sectur d’ospitals. Sco cussegliadra d’organisaziun lavur jau en il sectur da sanadad (cussegliaziun d’organisaziun e mediaziun da conflicts). Perquai enconusch jau fitg bain ils basegns dal persunal da spital.
Social Media
Impressum
Protecziun da datas