Ursin Widmer

Mia motivaziun

Cultura collia tut: derivanza geografica, etnias socialas, classas d’entradas, diversas vegliadetgnas e tut ils secturs dal martgà da lavur

Mias pretensiuns

La cultura duai vegnir vesida sco quai ch’ella è: elixier da vita per nus tuts. Ella sto survegnir la muntada ch’ella merita: in liom indispensabel tranter societad, economia ed ecologia. Ella duai vegnir percepida sco interacziun vicendaivla dad economia, turissem e temp liber

Concretisaziun da l’engaschament

• Colliaziun da la professiun (manader dal post spezialisà per cultura da Tavau) e dal temp liber (dirigent)

• Commember da differentas uniuns culturalas che realiseschan numerus projects  
• Commember da la cumissiun per cultura e furmaziun dal Cussegl grond

Mia motivaziun

Pussaivladads da scolaziun e da perfecziunament èn l’essenza per il svilup persunal e professiunal da nus tuts – ed in mussavia per la participaziun activa a la vita sociala.

Mias pretensiuns

La politica da furmaziun sto avair il curaschi da guardar sur l’atgna sumbriva. Ella sto enconuscher che la promoziun individuala orientada a las fermezzas sto vegnir vivida. Ella duai sa laschar inspirar dapli dad autras regiuns, chantuns e pajais sco era da lur sistems socials e da furmaziun correspundents.

Concretisaziun da l’engaschament

• Commember da la suprastanza da l’Associaziun dals cussegls da scola dal Grischun, president dal cussegl da scola da Favugn, commember da la cumissiun per furmaziun e cultura dal Cussegl grond 
• Project chantunal: spezialmain la revisiun da la lescha da scola en il Cussegl grond

Mia motivaziun

Ina politica sociala progressiva è ina pitga decisiva sin via ad ina vita multifara ed ina plazza da furmaziun e da lavur attractiva.

Mias pretensiuns

Grazia ad ina politica sociala e da famiglia progressiva cun accent sin l’egualitad da las schanzas duai il chantun Grischun esser attractiv en l’entira Svizra e sur ils cunfins da quella. Uschia duain tuttas e tuts avair la pussaivladad da viver fermezzas individualas – en la professiun ed en la vita privata.

Concretisaziun da l’engaschament

• Commember da la cumissiun chantunala da la Pro Infirmis

• Projects d’integraziun (p.ex. sco commember  da la suprastanza communala da Favugn)