Surcuolm
1985
Deputà dal Cussegl grond, CEO Surselva turissem
maridà, 2 uffants
ir cun skis, sport da tir, ir cun mountainbike, viandar, famiglia
Mia motivaziun
Il turissem è il motor principal da l’economia e quai oravant tut per nossas vals periferas. El procura per creaziun da valur e bleras plazzas da lavur tant en la branscha da turissem directa sco era tar la mastergnanza. Sche nus vulain mantegnair era en avegnir l’urbarisaziun decentrala e conservar l’attractivitad da noss chantun e da nossas regiuns, stuain nus rinforzar vinavant noss turissem e l’economia regiunala. Plinavant ston vegnir stgaffidas cundiziuns da basa economicas attractivas per la mastergnanza, industria e commerzi.
Mias pretensiuns
Per avair era en avegnir in turissem ferm stuain nus ans stentar per fermas destinaziuns da turissem durant l’entir onn. Quai munta dad ina vart che nus stuain conservar e nua ch’igl è pussaivel cumplettar il ferm turissem d’enviern. Da l’autra vart stuain nus investir en las purschidas da turissem ed infrastructuras independentas da la naiv per che la creaziun da valur turistica creschia era en ils mais da primavaira, da stad e d’atun. L’incumbensa da la politica èsi da crear bunas cundiziuns da basa economicas, da promover la renovaziun da l’infrastructura turistica cun agids d’investiziun, dad optimar ils process da permissiuns da construcziun en il senn da las investiziuns sco era da metter a disposiziun cundiziuns da viver e da lavurar attractivas per collavuraturas e collavuraturs .
Concretisaziun da l’engaschament
Sco CEO da Surselva turissem ma stat il turissem fitg ferm a cor ed jau hai da far cun el mintga di. Noss purtaders da prestaziuns turisticas s’engaschan fitg per ch’ils giasts possian giudair vacanzas nunemblidaivlas. Igl è mes giavisch persunal da m’engaschar sin il livel da la politica communala, chantunala e naziunala per las cundiziuns da basa attractivas necessarias per il turissem e per l’entira economia grischuna.
Mia motivaziun
La furmaziun e las abilitads professiunalas èn d’impurtanza centrala, sche nus vulain pussibilitar in avegnir en il chantun Grischun a nossa giuventetgna. Perquai stuain nus mantegnair ina purschida da furmaziun attractiva per tut ils nivels da furmaziun.
Mias pretensiuns
Cun la scolaziun da nossa giuventetgna mettain nus il fundament per che nossa societad possia exister cun success era en avegnir. Il sistem da furmaziun dual è in model da success. Il factur uman daventa il factur decisiv en l’economia. Per ch’il Grischun e la Svizra hajan vinavant success, stuain nus avair a disposiziun ina purschida da furmaziun qualitativamain auta e decentrala en tut las regiuns linguisticas e sin tut ils nivels da furmaziun.
Concretisaziun da l’engaschament
En il Grischun stuain nus avair quità spezialmain da las scolas professiunalas, da las scolas cuntinuantas, dals gimnasis e da nossa Scola auta spezialisada. Ellas en la pitga centrala per che la populaziun possia sa scolar e sa perfecziunar en l’agen chantun ed uschia absolver pli tard qua lur carriera professiunala.
Mia motivaziun
Ina buna avertura cun il traffic public ed individual è l’avaina da vita per nossas regiuns. Ina buna avertura digitala e ina premissa da basa per l’attractivitad da nossas regiuns da muntogna sco lieus da lavur e da domicil.
Mias pretensiuns
Las regiuns da muntogna ston avair las medemas schanzas sco las aglomeraziuns svizras e las citads. Il Grischun dovra ina avertura attractiva cun il traffic public en tut las regiuns. L’accessibladad da tut ils lieus cun il traffic individual sto vegnir meglierà cuntinuadamain. Plinavant sto vegnir procurà per in’avertura digitala d’auta prestaziun en tut las regiuns per tut il territori.
Concretisaziun da l’engaschament
Jau sun creschì si en la pitschna vischnanca da muntogna Surcuolm nua che jau viv era oz sun mia famiglia. Per indigens e giasts èn ina buna avertura per il traffic sco era bunas colliaziuns dad internet ina premissa da basa per che las vischnancas da muntogna restian attractivas sco lieus da lavur e da domicil. L’avertura digitala è per part anc nunsuffizienta. Era tar il traffic public datti anc bler basegn d’agir. Qua stuain nus tschertgar ina cumbinaziun raschunaivla tranter traffic public ed individual ed experimentar ideas innovativas.
Social Media
Impressum
Protecziun da datas