Luana Bergamin

Mia motivaziun

Sco chantun da turissem cun 30 pertschient persunas occupadas directamain u indirectamain en il turissem è il rinforzament dal turissem impurtant per il Grischun. Per la stagiun d’enviern daventa quai adina dapli ina sfida. Occurrenzas da sport èn sa cumprovadas sco med strategic per la promoziun ed il rinforzament dal turissem d’enviern en il Grischun.

Mias pretensiuns

Occurrenzas grondas han adina pli pauca acceptanza en  grondas parts da la populaziun. Tant pli impurtant èsi che tals eveniments van a prà cun la destinaziun en lur dimensiuns ed èn part d’ina strategia da promoziun dal turissem persistenta.

Concretisaziun da l’engaschament

Jau m’engasch per che las infrastructuras vegnian sviluppadas vinavant da maniera persistenta ed innovativa. Jau vuless era m’engaschar per ina convivenza cun respect vicendaivel tranter giasts, indigens e segund-dimorants. Cun la fundaziun da la Gruppa Parlamentara Velo  – ensemen cun dus collegas dal Cussegl grond – guardain nus ch’il tema da mountainbikes sco stimulant dal turissem en  il Grischun  haja avunda spazi. Sco commembers da la gruppa da sport dal Cussegl grond discutain nus tranter auter era l’ulteriur svilup, schanzas  e difficultads dad eveniments da sport en il Grischun ed examinain dumondas ed incumbensas correspundentas.

Mia motivaziun

Access a la furmaziun per tuttas e tuts e la cumpatibilitad da professiun e famiglia ma stattan a co. Domaduas  èn clavs impurtantas per ina societad en la quala tuttas e tuts pon sviluppar lur fermezzas. Las dunnas prestan anc adina il pli savens la pli gronda part da la lavur da famiglia, tgiran parents e lavuran en pensums pitschens, a temp parzial u en il sectur da pajas bassas. 

Mias pretensiuns

Jau pretend ina politica sociala cun ils medems dretgs e cun egualitad da las schanzas tar l’access a la lavur da gudogn e ch’ina distribuziun gista da las incumbensas da las famiglias daventia finalmain pussaivla. Plinavant vuless jau rinforzar dunnas sco interprendidras. Per che quai gartegia, ston ins rinforzar raits economicas, socialas e politicas. Quellas duain garantir  che dunnas  vegnan sustegnidas tar la fundaziun dad interpresas  e survegnan access intenziunà a chapital ester. 

Concretisaziun da l’engaschament

Cun las dunnas da l’Allianza dal Center m’engasch jau ch’ils temas vegnan discutads sin nivel naziunal 20220919_Grundlagenpapier_Tagesschule_D.pdf (ampersand.company). Cun mes engaschament tar Sporti(f) gid jau che la branscha da sport  nua  che jau ma mov sco interprendidra saja adina ina part da las discussiuns. Sporti(f) è la rait per dunnas ed umens che s’engaschan per l’egualitad dals dretgs tar il sport.

www.sportif.info

Mia motivaziun

Tuttina sch’i va per schlattaina, derivanza, vegliadetgna, impediments u lingua: jau m’engasch en la professiun ed era privat per ina societad diversa ed inclusiva. Il medem vala per l’egualitad da las schanzas. Tenor il rapport parallel da la CONVENZIUN DALS DRETGS DA PERSUNAS IMPEDIDADS DA LA UN, la metta la Svizra en pratica da maniera manglusa.

Mias pretensiuns

Per exempel: 22% da las Svizras e dals Svizzers vivan cun in impediment. Blers da quels na san betg eleger libramain lur domicil, la furma d’abitar u la professiun. En Svizra promovain nus anc adina structuras segregantas ed i n’exista nagina strategia unitara per metter en pratica la convenziun dals dretgs da persunas impedidas. Umans cun in impediment na pon per gronda part betg manar ina vita autonoma, noss sistem da furmaziun n’è betg inclusiv ed els èn exclus dal martgà da lavur. En il sport  avain nus plinavant in sistem parallel.

Concretisaziun da l’engaschament 

En il Cussegl grond ed en il cussegl da fundaziun da Special Olympics m’engasch jau per la realisaziun da la Convenziun dals dretgs da persunas impedidas da la UN.