Tino Schneider

Mia motivaziun

Per ch’ina vita en  auta vegliadetgna saja pussaivla en dignitad, dovri in sistem da provediment da  vegliadetgna persistent.

Mias pretensiuns 

Il sistem da las trais pitgas dal provediment da vegliadetgna è da principi sa cumprovà. I dovra dentant refurmas gist tar l’emprima e tar la segunda pitga che saneschan quest sistem da maniera persistenta. Perquai m’engasch jau che la pressiun per ina sperta refurma a lunga vista da las ovras socialas restia auta era suenter las refurmas terminadas da la AVS e da la LPP. 

Concretisaziun da l’engaschament

Tant en mia professiun sco era en differents gremis da la partida  m’engasch jau cun  mia savida spezialisada per ina proxima refurma persistenta da nossas ovras socialas en il sectur dal provediment da vegliadetgna.

Mia motivaziun

Oravant tut la pandemia da corona ed era la lavur da mintgadi tant en il Cussegl grond sco era en il cussegl communal m’han mussà  che nossa structura da stadi federalistica vegn sut squitsch adina dapli e ch’ella dovra adattaziuns correspundentas  per che noss model da success da la Svizra restia abel era per l’avegnir.

Mias pretensiuns 

Il federalissem resp. il principi da subsidiaritad duain procurar  che las decisiuns vegnan tratgas là nua ch’ellas han vairamain era in effect. Quai è tranter auter quai che caracterisescha il model da success da la Svizra. Il trend mussa dentant adina dapli en la direcziun che cumpetenzas vegnan spustadas ensi, q.v.d. en direcziun da la Confederaziun. Quai indeblescha gist las regiuns cun structuras plitost flaivlas e quest trend ston ins cumbatter.

Concretisaziun da l’engaschament

En il Cussegl grond ed era en il cussegl communal da Cuira m’engasch jau encunter spustar adina dapli cumpetenzas vers ensi. En mia funcziun sco commember dal presidi da l’Allianza dal Center Svizra emprov jau al medem mument da m’engaschar da dar ina gronda paisa a la sensibilitad per ils nivels subsidiars.

Mia motivaziun

Per pudair mantegnair il Grischun a lunga vista sco lieu d’abitar e da lavurar attractiv, dovri iniziativas e decisiuns persistentas, er che generaziuns futuras possian era profitar dals avantatgs natirals da noss chantun. 

Mias pretensiuns 

L’augment da la populaziun dal Grischun è sut la media, entant che la quota creschenta da glieud veglia progredescha da maniera surproporziunala – en valladas periferas è quest effect anc pli grond. Mo in lieu da lavur attractiv e la creaziun da novas plazzas da lavur pon motivar glieud giuvna da restar en il Grischun resp. da turnar puspè en il chantun suenter la scolaziun. Perquai dovri cundiziuns da basa attractivas per stgaffir novas plazzas da lavur en nossas regiuns. Al medem temp vali da nizzegiar da maniera consequenta las schanzas da la digitalisaziun. 

Concretisaziun da l’engaschament 

En il Cussegl grond m’engasch jau per cundiziuns da basa attractivas tant per persunas giuridicas e natiralas. Jau sustegn plinavant in’infrastructura moderna per pudair nizzegiar da maniera optimala las schanzas da la digitalisaziun e dal  “Remote Working”.