Vita e carriera
Carmelia Maissen e creschida si a Sevgein e viva a Castrisch. Sco presidenta da la giuvna e multifaria vischnanca fusiunada Ilanz/Glion ha ella demussà, ch’ella è en il cas da dominar situaziuns pretensiusas e prender las decisiuns necessarias.
Furmaziun e professiun
- Gimnasi da la scola claustrala da Mustér, cun maturitad commerziala
- Studi d’architectura, ETH Turitg
- Doctorat a l’Universitad da Turitg
- Collavuratura scientifica da la cumissiun per ambient, planisaziun dal territori ed energia dals servetschs parlamentars a Berna
- Manadra dal post per il svilup regiunal da la RegioVialmala
- Presidenta communala da Ilanz/Glion
Engaschament
Ensenem per ina ferma concordanza.
Las vischnancas èn las cellas primaras da la democrazia svizra e la basa per il federalissem. Vischnancas fermas, ch’èn independentas e manaivlas als burgais, pon ademplir lur duairs. Ellas èn impurtantas partenarias per il Chantun. Da sa profilar cun divider la societad è privlus. Perquai èsi l’incumbensa da la politica da far punts e da batter via per il dialog cun glieud d’auter avis. In med constructiv per cuntanscher quel è il cumpromiss. Quel stgaffescha concordanza e dat la conferma da vegnir udì. Igl è essenzial da puspè rinforzar ensemen la fidanza en la democrazia e d’enfirmir la coerenza aifer la societad.
Ensenem per ina rait da mobilitad entretschada.
Da sa spustar d’in lieu a l’auter, viagiar e restar en moviment è impurtant, gist en noss chantun muntagnard. Perquai dovri schliaziuns dapertut là, nua ch’il traffic public duai funcziunar. In’impurtanta mira èsi da rinforzar e modernisar la mobilitad correspundenta al standard da vita da la societad d’ozendi. Il traffic public duai daventar pli flexibel, pli ecologic e pli digital, sinaquai che gist carstgauns giuvens e vegls possian sa mover pli independentamain tant en las regiuns sco er en las aglomeraziuns. La colliaziun da furmas da mobilitad tradiziunalas a novas gidan a nus da chapir da nov l’impurtanza da la rait dal traffic public.
Ensenem per fermas forzas idraulicas.
Tranter las pli grondas sfidas per l’avegnir da noss chantun èn da numnar la midada dal clima e la decarbonisaziun. Da menziunar en spezial èsi la forza idraulica grischuna che ha ina lunga istorgia. Ella gioga in’impurtanta rolla en las regiuns e contribuescha en l’avegnir da segirar il provediment d’energia. La finamira èsi da stgaffir in sistem economic che collia anc pli fitg la creschientscha cun il diever perdurabel da las resursas indigenas.
Lain nizzegiar quest’intenziun sco schanza e lain rinforzar las resursas regenerablas dal Grischun sco l’aua ed il lain per realisar chadainas da valurisaziun indigenas.
Medias
Quai muventa mai actualmain
[custom-facebook-feed feed=1]
Links e downloads
Gallaria da fotos
Funktion
Ensemen per far punts.